എറണാകുളം ജില്ലയിലെ കണയന്നൂർ താലൂക്കിൽ ഉൾപ്പെടുന്ന ഒരു മനോഹരമായ ഗ്രാമപഞ്ചായത്താണ് ആമ്പല്ലൂർ. കൊച്ചി നഗരത്തോട് ചേർന്നുനിൽക്കുമ്പോഴും പച്ചപ്പും ഗ്രാമീണഭംഗിയും കാത്തുസൂക്ഷിക്കുന്ന ഈ പ്രദേശം കാർഷിക സംസ്കാരത്തിനും ശുദ്ധജല സ്രോതസ്സുകൾക്കും പേരുകേട്ടതാണ്. പ്രശസ്തമായ ആമ്പല്ലൂർ കാവ്, തോട്ടറ പുഞ്ച , വൈവിധ്യമാർന്ന കൃഷിയിടങ്ങൾ, അരയൻകാവ് ക്ഷേത്രം, കാഞ്ഞിരമറ്റം മുസ്ലീം പള്ളി, എന്നിവയൊക്കെ ഇവിടുത്തെ പ്രധാന ആകർഷണങ്ങളാണ്. തൃപ്പൂണിത്തുറ, മുളന്തുരുത്തി, പിറവം, വൈക്കം തുടങ്ങിയ പ്രധാന നഗര കേന്ദ്രങ്ങളുമായി എളുപ്പത്തിൽ ബന്ധിപ്പിക്കപ്പെട്ടിരിക്കുന്ന ഈ പഞ്ചായത്ത്, മെച്ചപ്പെട്ട വിദ്യാഭ്യാസ-ആരോഗ്യ സൗകര്യങ്ങളോടെ അതിവേഗം വികസിച്ചുകൊണ്ടിരിക്കുന്ന ഒരു തദ്ദേശസ്വയംഭരണ പ്രദേശമാണ്.